LEGAZPI CITY- Naglalaom an Presidential Task Force on Media Security (PTFOMS) na igwa nang mabibilog na konkretong motibo an pulisya sa laog nin 24-oras katakod kan ambush sa sarong mediaman sa Albay.
Segun ki Bombo Radyo Legazpi ki PTFOMS executive director Usec. Joel Sy-Egco, dawa pa dae pa klarado kun igwang kinaaraman sa propesyon kaini bilang komentarista sa radyo an nangyari ki Joey Llana, mandato man giraray kan ahensya na imbestigaran an kaso.
Ipigheras pa ni Egco na obheto an marikas na aksyon sa krimen alagad inasegurar man giraray an hirarom na imbestigasyon.
Katakod kaini, kumpiyansa man an opisyal na mareresolberan an kaso sa urog na marikas na panahon.
Nagpromesa pa si Usec. Egco na dae pababayaan an kaso sa panggagadan ki Llana kasabay kan 13 iba pang kaso na pigtutukan kan pinamamayuhang task force.
