Pinahimutikan ni Presidente Ferdinand Marcos Jr. na pigpo-politika kan mga lehislador an pagtukar sa national budget kan Office of the Vice President.
Segun sa presidente na naga-agi sa normal na pagtukar kan mga lehislador an gabos na mga pondo kan mga ahensya de gobierno.
Nasa tamang proseso sana suboot an pigigibo kan mga lehislador na pag-adalan an kada sentimo kan national budget sa kada ahensya kan gobierno asin harayo suboot ini sa pamumulitika.
Ini an nagin reaksyon kan hepe ehekutibo sa naging pahayag ni Vice President Sara Duterte na napupulitika na an pagdangog kan 2025 budget kan saiyang opisina.
