Pinirmahan na ni Presidente Ferdinand Marcos Jr. bilang ley an propuestong 2025 national budget.
Ginibo an pagpirma sa P6.326 trillion budget para sa masunod na taon sa Palasyo Malakanyang makalihis an ipigkondusir na review kaini kaibanan an mga economic managers.
Sinabi man ni Presidente Marcos na na-veto niya an nasa P194 billion na pondo na bako angay sa mga prayoridad na programa kan administrasyon.
Kaibanan digdi an mga unprogrammed items kan Department of Public Works and Highways.
Mientras tanto, inasegurar man kan administrasyon na an 2025 General Appropriations Bill an nakakasunod sa konstitusyon kan nacion.
