Inaprubaran na ni Presidente Ferdinand Marcos Jr. an propuestong Fiscal Year 2025 National Expenditure Program na nagsusuporta sa importanteng mga programa kan administrasyon sa irarom kan Philippine Development Plan 2023-2028.
An propuestong national budget para sa fiscal year 2025 an maabot sa P6.352 trillion.
Basado sa direktiba kan policy guidance ni Presidente Marcos, tatawan nin prayoridad kan gobierno an food security, social protection, healthcare, housing, disaster resilience, infrastructure, digital connectivity asin energization.
Sinabi kan hepe ehekutibo na sa irarom kan inaprubaran na National Expenditure Program, an mga ahensya de gobierno na makakakuwa nin dakulang pondo hali sa gobierno ito an education sector kaibanan na an Department of Education, State Universities and Colleges, Commission on Higher Education, Technical Education And Skills Development Authority, siring man an Department of Public Works and Highways, Philippine Health Insurance Corporation, Department of the Interior and Local Government asin an Department of National Defence.
Kaibanan sa mga top priorities para sa pondo an Department of Social Welfare and Development, Department of Agriculture asin an attached corporations kaini na Department of Agrarian Reform, Department of Transportation asin an justice Depratment.
Dakula man an pondo na itatagama sa maintenance asin iba pang mga operating expenses na susundan kan personnel services, capital outlays, asin financial expenses.
