Pinirmahan na ni Presidente Ferdinand Marcos Jr. an administrative order na nagsusugo sa one-time grant kan rice assistance sa military asin uniformed personnel ngunyan na taon.
Sa irarom kan Administrative Order 26, makakaresibe nin 25 kilo nin bagas an nasabing mga personahe kun aktibo sinda sa serbisyo sa Nobyembre 30, 2024.
Kaibanan sa mga sakop kan kasuguan an Armed Forces of the Philippines, Philippine National Police, Bureau of Fire Protection, siring man an Bureau of Jail Management and Penology.
Makakaresibe man kan nasabing rice assistance an Philippine Public Safety College, Bureau of Corrections, mga nasa Philippine Coast Guard asin National Mapping and Resource Information Authority.
Pwedesir na i-claim an nasabing rice benefit puon Disyembre 2024 hasta Marso 2025 sa mga designated warehouse kan National Food Authority.
