Kinumpirmar kan Palasyo Malakanyang na inakseptar na ni Presidente Ferdinand Marcos Jr. an pagbutas sa pwesto ni National Police Commission Commissioner Edilberto Dela Cruz Leonardo.
Segun ki Presidential Communications Office Secretary Cesar Chavez na nagsumiter kan saiyang resignation letter si Leonardo kan October 4, 2024 bilang representante kan law enforcement sector kan ahensya.
Nagdemitir sa pwesto si Leonardo makalihis na maimbwelto an pangaran sa paggadan ki dating PCSO board secretary Wesley barayuga, basado sa nagluwas kan imbestigasyon kan Quad Committee kan Kamara.
Si Leonardo an inakusaran ni PNP Drug Enforcement Group PLtCol. Santi Mendoza na nagsugo suboot na gadanon si Barayuga kan July 30,2020.
Segun ki Mendoza, si Leonardo an nagtao nin description kan behikulo asin plaka ni Barayuga ngani na gadanon ini pagluwas sa opisina.
