Inagyat ni Presidente Ferdinand Bongbong Marcos Jr. si Pastor Apollo Quiboloy na magsurindir na sa mga otoridad.
Ini an naging kasimbagan kan Presidente makalihis na kwestiyonon kan kampo ni Quiboloy an pagresibe kan gobyerno nin P10 milyon na donasyon para sa pabuya sa makakapagturo sa pastor.
Segun kay Marcos, antes na magkwestiyon sa mga aksyon kan gobyerno, dapat na maghampang na muna sa korte an Pastor.
Nahahampang si Quiboloy sa kasong Child asin Sexual Abuse hali sa korte sa Pasig asin Davao.
May arrest warrant man ini hali sa Senado huli sa pagpalyar na magsunod sa subpoena na ipinaluwas kan Kongreso.
Kasabay pa si Quiboloy sa listahan kan Most Wanted Person kan Federal Bureau of Investigation kan Estados Unidos huli sa reklamo nin pangmomolesiya sa mga joven na kababaihang miyembro kan Kingdom of Jesus Christ.
