Nagdesisyon si Presidente Ferdinand Marcos Jr. na dae na mag-atendir sa 2024 Asia-Pacific Economic Cooperation Summit sa Peru sa masunod na semana ngani na makapagtaong atensyon sa paghampang kan gobierno sa nakalihis na mga kalamidad.
Si Department of Trade and Industry Secretary Cristina Aldeguer-Roque na sana an magre representar ki Presidente Marcos sa nasabig event bilang special envoy of the President.
Paliwanag ni Presidential Communications Office Secretary Cesar Chavez na mawot kan presidente na gibuhong prayoridad an domestic concerns, partikular na an pagtataong tabang sa mga naapektaran kan nakalihis na mga bagyo.
Marurumduman na an APEC Summit an nakatalaan sa Nobyembre 10 hasta 16 sa Lima, Peru.
An nasabing regional economic forum an na-establishar kan 1989 asin mawot na mapakusog an nagtatalubong interdependence kan Asia-Pacific.
