Dismayado si Presidente Ferdinand Marcos Jr sa mga nagluluwas sa social media na klase nin pangangampanya ngunyan kan nagkapirang kandidato.
Segun ki Palace Press Officer USec Claire Castro bakong katanggap tanggap sa Presidente an mga bastos o nagpapahayag nin diskriminasyon sa speech kan mga kandidato sa saindang mga pangangampanya.
Nanindugan an Presidente na dae dapat nangyayari an siring na mga klase nin kampanya sa panahong ini.
Sinabi ni Castro na dae dapat gibohong isyu an katatawanan kan mga kandidato an content kan saindang kampanya na an kalimitang paksa an mga kababaihan.
Dae man dapat pamarisan an mga ini asin dae dapat gibohong idolo kan publiko an mga siring na klase nin mga kandidato.
Ipiggiit ni Castro na imbes na mga bastos na mga naratibo, mas maray kun ipagpapadagos kan mga kandidato an pagtataguyod nin respeto, integridad asin katotoohan sa saindang mga pahayag sa hampang kan mga botante.
Ikinaogma man ni Presidente Marcos an marikas na aksyon kan Commission on Elections sa siring na mga klase nin bako katanggap tanggap na pangangampanya.
