LEGAZPI CITY-Pigeenganyar ni President Ferdinand Marcos Jr. an mga kababayang Pilipino na arugon an mga bayani asin magkasararo sa pagpapauswag kan nacioin sa pagselebrar kan ika-128 anibersaryo kan “Araw ng Kalayaan.”
Sa saiyang mensahe, tinawan nin pagpupugay ni President Marcos an mga bayaning nag-alay kan saindang buhay ngani makamit an kalayaan kan Pilipinas.
Sinabi pa niya na an deklarasyon kan kalayaan sa Kawit, Cavite kan Hunyo 12, 1898, iyo an nagin importanteng momento sa historya kan nasyon huli ta ini an pormal na pag-laban kan mga Pilipino sa paggobyerno sa sadiri asin pagbilog kan saindang futuro.
Pigduon man ni Marcos an mga agyat sa presenteng panahon, kabali na an pagpreserbar kan katotoohan, an responsableng paggamit kan teknolohiya, asin an pagpakusog kan tiwala asin pagkasararo sa sosyedad.
Segun sa presidente, an katalingkasan bako sanang legasiya kan nakaagi kundi sarong responsibilidad na dapat ingatan asin ipasa sa masunod na henerasyon.
Sinabi niya na an pagsimbag kan nasyon sa mga angat sa presenteng panahon, iyo an madeterminar kan direksyon kan Pilipinas sa mga masunod na taon.
