LEGAZPI CITY-Nangangapudan si President Ferdinand Bongbong Marcos Jr. nin restraint asin de-escalation sa presenteng labanan sa Middle East asin sa iba pang parte kan kinaban.
Sa saiyang pahayag sa UN General Assembly, pinunto niya na importante na mapundo na an labanan asin igalang an internasyonal law, kaiba an United Nations Charter asin humanitarian law.
Tinawan doon man kan Presidente na dapat magbalik an gabos na kampo sa negosasyon ngani magkaigwa nin katoninongan.
Dagdag pa niya, na haloy nang nakikisumaro an Pilipinas sa pag-mamantenir kan pankinabang katoninongan asin seguridad.
Sinabi kan Presidente na saro an Pilipinas sa mga enot na nacion na tumugon sa pangapudan kan United Nations ngani makatabang kan panahon kan Korean war, kun sain labi sa 15,000 Filipino troops an ipinadara, na nagpapahiling nin paninindugan kan nacion sa pagtataguyod kan katoninongan sa kinaban.
Sa ibong kaini, nag-apela si President Marcos sa international community na isagibo an diplomasya, pagpugol sa tensyon asin pag-respeto sa pankinabang ley ngani mapundo na an mga armadong sigalot sa manlain-lain na nacion.
Tinawan doon man niya na nahahampang an kinaban sa matinding angat siring kan mga gera sa mga rehiyon, humanitarian crises, asin mas malalang epekto sa climate change.
Magsasagibo man suboot nin lakdang an Pilipinas para sa climate action, humanitarian assistance, asin direchos pantawo bilang parte kan partisipasyon kan nacion sa pankinabang komunidad.
