LEGAZPI CITY-Piglinaw kan Malacañang na warang partisipasyon asin dai suboot aram ni President Ferdinand Marcos Jr. kung igwa man nin kasunduan sinda Vice President Sara asin ni Senator Imee Marcos.
An pahayag na ini ginibo ni Palace Press Officer Under Secretary Claire Castro kasunod kan pahayag ni Vice President Sara na si President Marcos an nagpadara kay dating Presidente Duterte sa The Hague, na dapat suboot si Senator Imee an madara sa dating Presidente pabalik sa Pilipinas.
Tinawan duon man ni Castro na dai aram ni Presidente Marcos an kasunduan kan sarong nanggagamit asin saro man suboot na dae nagpapagamit.
An kamawotan man suboot kan Presidente iyo an magpadagos asin manteniron an saiyang trabaho.
Dugang pa ni Castro na wara nin ibang mawot an Presidente, iyo an mga aksyon asin dae na mabakante sa trabaho.
Kan hinapot si Castro kung igwa siya na target na bakasyon, nagsayuma ini magsimbag asin sinabi kaini na nasa publiko na an pag-obserbar asin pag-adalan kung igwa man nin mga indibidwal na nagbabakasyon sa presenteng panahon.
