LEGAZPI CITY – Pighayag kan Comission on Elections na warang election related violation an nairehistro sa assistance distribution site kan Department of Social Welfare and Development sa ciudad kan Legazpi.
Segun ki Commision on Elections Bicol Director Atty. Jane Valeza sa intrevista kan Bombo Radyo Legazpi na pigtutukan ninda an mga gabos na distribution of assistance program kan DSWD nganing mabantayan an ilegal na presenya kan mga kandidato ngonian na 2025 Midterm Election.
Naitimbre na asin ipigtao na suboot sainda kan nasabing departamento an gabos na mga nakatalaan na schedule na distribution kun kaya may ipigdedeploy sinda na mga personahe nganing magbantay.
Aram nindang masunod sa ipigbugtak na regulasyon an DSWD huli ta isasabay ninda an mga ini sa susunadan nin kaso bako lang an imbweltong kandidato enkaso makahiling nin bayolasyon.
Pag-istorya na opisyal na sa saindang paglibot libot sa nagkapirang distribution an wara sindang nanotarang kandidato maski an mga kamag-anak kaini siring man an mga campaigners kan mga ini.
Pig-enganyar man ninda an mga nitezen na nasa distribution area na dae magduwang isip na magsumbong sainda kun may nahiling sindang nakapaskil na tarpaulin kan mga kandidato nganing matawan nin magkakanigong aksyon.
Mientrastanto, pigdoon ni Atty. Valeza na 100% nang nasa rehiyon bikol an gagamiton na mga Automated Counting Machines asin nakatalaang mag-abot sa masunod na semana an mga official ballots na gagamiton kan rehiyon.
