Nakabalik na sa Pilipinas si Presidente Ferdinand Marcos Jr. makalihis an pagbisita kaini sa US asin personal na pakikipag-ulay ki US President Donald Trump.
Sa saiyang arrival statement, sienerto kaini an tabang na ibabarewas kan gobierno para sa mga nabiktima kan labing pagbaha huli sa habagat asin mga bagyo.
Inengganyar kaini an publiko na apektado na magsunod sa kasuguan kan mga otoridad.
Inilahad man kan presidente an nagkapirang trayumpo na pakikipag-ulay ki Trump.
Nadiskotir sa nasabing miting an pirang isyu siring kan seguridad, kalakalan asin defense cooperation.
Ipinagmalaki man ni Marcos na nakalikom ini nin labi $21 bilyon na investment pledges gikan sa mga nakaolay niyang mga business leaders asin top executives kan manlaen-laeng kumpanya sa US.
Inimbitaran man ni Marcos si Trump na magbisita sa nacion asin mag-atendir sa Association of Southeast Asian Nations (ASEAN) meeting sa 2026 kun saen magigin host an Pilipinas.
