LEGAZPI CITY-Magsasagibo muna nin konsultasyon si President Ferdinand Marcos Jr. sa ibang sektor ngani tuluyan nang ipagbawal an online gambling sa nacion.
Segun sa Presidente, mawot niya muna madangog an opinyon kan manlain-lain na stake holders siring kan mga nasa simbahan, mga magurang, orog na an mga kajovenesan na mismong apektado kan pagsusugal.
Dagdag pa niya na kaipuhan muna niya na magsagibo nin polisiya kung ano dapat na gibuhon sa isyu sa online gambling.
Pupuunan man kan Presidente na mag-organisar nin sarong conference para sa gabos na stakeholders.
Mawot man maaraman kan Presidente kung i-regulate ini sa kung sisay man an nagmamando asin siertuhon na magkaigwa nin mga underground.
Magigirumduman na kadakol na mambabatas an nangangapudan na dapat tuluyan nang ipagbawal an online gambling huli sa dakol na buhay asin pamilya an nararaot kaini.
