Legazpi City- Nagsagibo nin preemptive evacuation an banwaan kan Libon bilang pag-andam sa posibleng maging epekto kan Bagyong “Nika” sa bilog n probinsya kan Albay.
Sa intrevista kan Bombo Radyo Legazpi kay Mayor Das Maronilla, an Alkalde kan Banwaan nin Libon, maabot na sa 493 an presenteng nasa manlain-lain na evacuation sa banwaan kan Libon.
Sa datos nag-abot sa 57 na pamilya sa Barangay Boga an presenteng nagtitinis sa Elementary School asin Sagrada Multi purpose hall igwang saro, sa Barangay San Vicente maabot sa 124 families, Santa Cruz – 31 families , San isidro- 61 families , Zone 1 igwang 6 families, Zone 7 igwang 14 pamilya, Zone 4 igwa man nin 17 families , Zone 6 igwang 6 na pamilya asin sa mga private houses an igwang 8 pamilya an nag-ibakwar.
Dakula man an pasasalamat kan alkalde sa mga namamanwaan huli na man sa amay na pagsunod sa kasuguan huli sa duwa an pinag-iiling na posibleng rason kan pagbabaha asin landslide sa banwaan.
Sa presente makalihis an naging pagrasay sa barangay kan Burabod sa panrarapado ni Kristine nagdeploy man liwat nin mga militar forces sa Barangay para maasigurar na dae mabalik an mga residente sa saindang mga harong.
Pinagsugo na man kan alkalde an mga residente sa evacuation center na magtinir muna sa lugar antes mag-agi an duwa pang bagyo na binabantayan na posibleng umabot sa mga masunod pang aldaw. Inasigurar man kan alkade an sapat na relief o ayuda na itatao sa mga residente na apektado kan raot nin panahon.
