LEGAZPI CITY — Pupunan ngonian na aldaw, Huwebes Santo kan Philippine Red Cross (PRC) Albay-Legazpi City Chapter an 24/7 na pagbabantay, monitoring asin pagtatao nin asistensya katakod kan pag-obserbar kan Semana Santa.
Sa intrevista kan Bombo Radyo Legazpi ki Red Cross Albay Operations Officer Gerald Gapayao, madurar sagkod Easter Sunday an lakdang kun sain naka-standby man an ambulansya asin naka-duty an Red Cross Action Team na compuesto nin 15 katawo.
Segun ki Gapayao, may close coordination an grupo sa local na gobierno siring man sa Municipal Disaster Risk Reduction and Management Councils (MDRRMCs) en kasong may mangyaring anuman na insidente tangarig tulos na makapagresponde.
Maray man suboot an manpower asin resources na bastante para sa nasabing okasyon.
