LEGAZPI CITY – Padagos ang isinasagibong clearing operation kan Albay Electric Cooperative Inc., o ALECO sa mga linya kan kuryenteng nadanyaran durante kan panrarapado ni bagyong Kristine.
Segun ki Anj Galero, an tagapagtaram kan Albay Electric Cooperative Inc., o ALECO intrevista kan Bombo Radyo Legazpi, priority na maibalik an suplay sa mga backbone areas mantang isusunod an mga nasa buru-barangay.
Sa datos kan ALECO nasa 52% na ang power supply restoration sa probinsya kung sain, kaibanan sa mga ini an nagkapirang lugar sa syudad nin Tabaco, Legazpi, banwaan kan Camalig, Daraga, Manito, Rapu rapu, Guinobatan, Libon, Oas, asin Polangui.
Aminado man si Galero sa kakulangan kan saindang linemen na matutok sa mas makaskas na restorasyon kan kuryente sa probinsya.
Huli kaini, nagpadara na man suboot ang Sorsogon Electric Cooperative o SORECO II nin karagdagang ispwersos ta nganing mas mapadali an saindang target na siyento porsyento sa lalong madaling panahon.
Kun babalikan, ang primer distrito kan Albay an labing naapektaran an mga linya nin kuryente huli sa kusog nin duros na namatean sa kasagsagan kan bagyo.
Pangapudan na sana man kaini an pagsabot urog na sa mga lugar na hasta sa ngunyan an dae pa napapailawan.
Pakiolay pa kaini na iwasan an pagkapot sa mga nakalaylay na linya kan kuryente mientras na nagpapadagos an restoirasyon sa mga banwaan.
