LEGAZPI CITY-Nag-abot na sa Lebanon si Pope Leo XIV bilang parte kan limang aldaw niyang pagbisita kun sain enot niyang pigduman an Turkiye.
Sa saiyang mensahe, pigenganyar niya an mga namamanwaan kan Lebanon na magtenir sa saindang nacion.
Kadakol na mga Lebanese an naghale sa saindang nacion huli sa padagos na kariribukan na nangyayari.
Sinabat man siya kan rinibong katawo kan ini mag-parada pasiring sa presidential palace sa Baabda.
Nangapudan man ini nin sarong pag-oolay makalihis an nangyaring airstrike kan Israel sa southern Beirut.
Enot nang sinabi kan Santo Papa na kaya napili niyang dumanon an Lebanon asin Turkiye ngani ibusol an katoninongan sa lugar.
