Pinaglalaoman na makakaluwas na sa ospital si Pope Francis makalihis an labi sa sarong bulan na pagpapabulong kaini huli sa double pneumonia.
Segun ki Dr. Sergio Alfieri na nasa statble na kondisyon na an Santo Papa alagad magpapadagos an drug therapy asin pagpapahingalo sa masunod na duwang bulan.
Pinag-aantisiparan na makakauli na an Santo Papa sa aldaw nin Domingo, oras sa Rome.
Inanunsyar man an enot na public appearance ni Pope Francis hali sa balkonahe kan ospital antes an pagpasiring kaini sa Casa Santa Marta.
Magtatao ini nin pagbasbas asin pagbati sa mga well-wishers a pagtatapos kan Angelus prayer.
