Presenteng na-discharged na si Pope Francis ngonian na dominggo segun yan sa medical team kan Santo Papa.
Sa ibong kan pagkaka-discharged ni Pope Francis an nangangaipuhan pa man kaining magsairarom sa duwang bulan na pahingalo sa Vatican nganing mas mabantayan man an kamugtakan kaini.
Magigirumdumang na nagpoon na ma-admit sa ospital an Santo Papa poon kan Pebrero 14 huli sa severe respiratory infection na siyang nagin pinakamalalang health issue kaini sa saiyang 12 taon na pagigin Santo Papa.
Mientrastanto, segun man sa mga doktor na naghiling asin nagmonitor kan kamugtakan ni Pope Francis sa laog kan opsital, mapapagalan suboot an hawak kaini na magin ‘fully healed’ kawsa kan saiyang edad.
Pwedesir maghaloy man suboot an maging proseso kan saiyang hawak nganing magin fully recovered hale sa saiyang nagin kamatean.
Sa presenteng an nagpapahingalo na an Santo Papa asin inabisuhan na dae na muna mag-atendir sa mga darakulang pagtitipon o gumibo nin mga aksyon na nangangaipuhan nin special effort.
