LEGAZPI CITY — Magkakaigwa nin Youth Camp sa manlaen laen na banwaan sa probinsya kan Albay sa pangengenot kan Commission on Population (POPCOM).
Ini ngani na matukduan an mga jovenes asin maipahiling sa mga ini an nagigin pisikal na pagbabago sa saindang mga hawak ngani na mas mapangatamanan an saindang sadiri.
Segun ki Jho Chua, tagapagtaram kan POPCOM, sa ngunyan saro sa saindang mga pigtatawanan nin atensyon an paglangkaw kan kaso kan teenage asin unwanted pregnancy ngani na makagibo nin mga positibong opsyon an mga kabataan.
Sa ngunyan pigtatabangan suboot kan ahensya an syudad kan Tabaco para sa obheto kaini na zero teenage pregnancy.
Mientrastanto, ibinuyagyag man ni Chua na magkakaigwa nin third adolescent congress an probinsya kan Albay ngunyan na maabot na Abril 26.
Sa ibong na lado, an joven man suboot an magigin facilitator sa mga aktibidad na ini huli ta komon na mas nagdadangog an mga ini sa saindang kapwa joven.
