Nagsabay na an pop megastar na si Billie Eilish sa mga nagdadakol na mga artista asin singer na nag-eendorso kay Vice President Kamala Harris nganing magin sunod na Presidente.
Tinaram kaini na kaiba niya an saiyang tugang na si Finneas O’Connell an maendorso kay Harris.
Dugang pa kaini na saindang iboboto si Harris asin Tim Walz nin huli sa pigbubusol kaini an reproductive freedom asin demokrasya.
Pig-enganyar man kaini an saiyang mga fans asin followers na iboto an duwa nin huli ta nakadepende digdi an saindang futuro.
Kasabay kan “National Voter Registration Day” sa US , pig-enganyar man kaini an mga botante na magboto nin amay.
Marurumduman na saro si Taylor Swift sa mga sikat na celebrity na nag-endorso kay Harris.
