LEGAZPI CITY-Sinabi kan sarong propesor na bako na makakigkig an pigsasagibong pagpapaluwas nin pangaran sa kongreso alagad piglaoman an pagtatao nin mga pangaran magin miyembro man kan kongreso o senado.
Segun kay University of Santo Tomas Manila Department Political Science Professor Micah Francisco, sa intrevista kan Bombo Radyo Legazpi, na kun dai magpapaluwas nin mga pangaran an posibleng magin state witness sana an mga pigkwestyun sa senado na nagreresulta sa pagigin “anti-hero” ninda sa nangyayaing imbestigasyon.
Dugang pa niya na bako na makakigkig an pagpapaluwas nin mga pangaran alagad pwedisir suboot na igwa pa sindang mga pigkakapotan na impormasyon dapit sa nasabing imbestigasyon.
Sinabi pa kan propesor na importante suboot an paghahanap nin bagong paagi ngani maaraman kun kabale man an mga senador digdi huli sa dai pa sinda pigpapangaranan.
Dagdag pa niya na an pagsiwalat kan impormasyon asin an pagigin state witness kan mga Discaya, an posible man suboot huli sa piggagamit an pagigin state witness bilang bargain o ngani mabawasan an kaso o krimen , o magin an pagkakaigwa nin “indirect mission of guilt”.
Tinawan linaw man kan propesor na dai mahiro bilang sarong judicial body an senado o magin an kongreso huli sa bako sinda an madesisiyon kan mga kaso siring kan kurapsiyon asin iba pang krimen sa politiko.
Dagdag pa niya na posible suboot na maglaog sa sarong imbestigasyon an Ombudsman kun pagoorolayan an pagigin state witness kan mga Discaya.
