LEGAZPI CITY—Nangapudan an grupo nin sarong political prisoner support na ilipat sa ordinaryong kulungan si dating Senador Bong Revilla Jr. asin ibitaran an pagtao digdi nin “VIP treatment.”
Magigriromdomang ibubugtak suboot an dating senador sa sarong 47-square-meter facility na pwedesir sa 10 katawo, asin may sadiring banyo.
Segun ki KAPATID Spokesperson Fides Lim, sa intrevista kan Bombo Radyo Legazpi, na kun igwang patas na hustisya an dapat igwa man nin patas na kondisyon sa kulungan magin ini man senador, mayaman o tios an sarong indibidwal.
Dugang niya na makakaimpluwensya an pagkonsiderar digid na VIP treatment sa kaluluwasan kan pigkakahampang na kaso kan dating senador.
Nangapudan man an grupo na gibohon na makatawo asin dapat patas an mga regulasyon sa laog kan mga kulungan—political prisoners man o ordinaryong persons deprived of liberty (PDLs).
Mientrastanto, liwat na pigtawan-duon kan political prisoner support group na dapat bako sana an saindang grupo an mangapudan para sa pagpapalipat sa kulungan kan daSenador kundi gabos na namamanwaan nganing dagos na magkaigwa nin tunay na pantay-pantau na implementasyon kan ley asin ngani na dae na man suboot mautro an mga anomalya sa flood control sa nacion.
