LEGAZPI CITY-Nagtutubod an sarong Political Analyst na kinulang sa ebidensya an isinangat na impeachment complaint laban kay President Bongbong Marcos Jr. kaya na-dismiss ini kan House Committee on Justice.
Segun kay Far Eastern University Political Anasyst and Faculty Prof. Amr Solon Sison, sa intrevista kan Bombo Radyo Legazpi na may pagkukulang sa substance orog na sa koneksyon na may kinaaraman sa kurapsyon magin sa pagpapadara kay dating Presidente Rodrigo Duterte sa ICC.
Dagdag pa niya na difisil ining patunayan kun sain napaduman ini sa suboot one year ban para sa Presidente.
Saro man suboot ining practical move para sa mga kaalyado ka Presidente hulli sa “one year immunity”.
Dugang pa kan Propesor na hanggat warang nagluluwas na koneksyon sa Presidente, dai mapapatunayan an mga akusasyon sa saiya huli sa kulang mga ebidensya.
Sinabi pa niya na “highly probable” na igwang pamomolitika huli sa kwestyunable ang loyalty kan mga kongresista pagabot sa pigaapod na “party decision”.
Mensahe kan Propesor na dapat tawanan ini nin pansin huli magtatao ini nin dakul pang mga impormasyon orog na imbuelto suboot an mga haralangkaw na opisyal, asin dai dapat magsawa an publiko na subaybayan an mga isyu mapadapit digdi.
