LEGAZPI CITY – Nagtutubod an sarong political analyst na kinakaipuhan ng masertipikan ang Bangsamoro Basic Law (BBL) huli ta saro suboot ini sa liave ngani na dagos ng magkaigwa nin katoninongan sa nasyon.
Alagad hasta sa ngunyan, dae pa ini natatawan nin atensyon kun sain wara pang kongresista na naga-indorso kaini.
Segun ki Prof. Alex de Guzman, an nasambitan na kasunduan an nagin dalan kan pag-lie low kan mga pagsakyada kan mga Moro Islamic Liberation Front (MILF) sa Mindanao huli ta hagad kan mga ini an tunay na katiwasayan.
Pigduom kaini na dapat na maibusol asin tawan nin prayoridad an BBL huli ta saro ining promesa na ginibo kan mga nakalihis pang administrasyon.
Dugang pa ni de Guzman na kinakaipuhan na idagos kan Office of the Presidential Adviser on the Peace Process (OPPAP) an pakikipag-olay sa mga makakaliwang grupo huli ta nakasalalay digdi an kredibilidad kan negotiating pannel asin kun dae ini idadagos, posibleng mas magdara pa ini nin kariribukan.
