LEGAZPI CITY – Tinawan pagbisto kan Provincial Government of Albay an sarong pulis makalihis na makapag-uli ini nin sarong gold asin duwang bronze medal sa ikinondusir na World Police & Fire Games 2025 sa Birmingham Alabama, USA.
Segun ki Police Executive Master Sergeant Kristoffer John Bayola sa intrevista kan Bombo Radyo Legazpi na ipig-oorgolyo niya na nairepresenta niya an provincia asin an Pilipinas sa nasabing pakawat.
Dae man kaini pighuna na siya an nanggana huli ta uminabot sa 20 na mga nacion an saindang nakalaban.
Huli man sa nasabing trayumpo an nakalataan suboot sindang mag courtesy call ki PNP Chief Police General Nicolas Torre III.
Pigtaram pa kan medalist na ngonian pa sana an naglalaom siya na makakuwa liwat nin medalysa sa naunambitang pakawat sa 2027.
Pagdoon niya man na sa presenteng panahon an dapat may kaaraman an mga ini sa self defense para sa saindang kaligtasan.
Afuera sa pakikipaglaban sa mga paligsahan asin krimen an nagtutukdo man sinda sa mga kaakian na mawot makanuod nin taekwondo.
Emosyonal man ini nagpasalamat sa kagurangnan, saiyang pamilya asin sa saindang organisasyon huli sa itinao saindang suporta nganing maiuli sa nacion an trayumpo.
