Matrayumpong nakabalik na sa kinaban an SpaceX Polaris Dawn mission.
An nasabing misyon an nakagibo nin historya bilang enot na spacewalk na ipigkondusir kan mga pribadong astronauts.
Buminagsak sa kadagatan kan Dry Tortugas, Florida an Dragon spacecraft.
An capsule an tulos na ipiglunad sa recovery vessel makalihis an labi sa oras na paglapag kaini sa kinaban.
Ipigsairarom man sa medical checkups an mga crew kaini na sinda SpaceX engineer Anna Menon, Engineer Sarah Gillis, piloto na si Scott Poteet asin commander na si Jared Isaacman.
Naglayog an nasabing SpaceX kan Martes hali sa Kennedy Space Center kun sain uminabot sa 1,400 kilometers an langkaw, na tulong bes na mas halangkaw sa International Space Station asin pinakaharayong biyaje kan sarong tawo puon kan mangyari an Apollo mission sa bulan.
Pigtataram na nagbayad an 41-anyos na si Isaacman nin $200 milyon ngani na isagibo an 2021 all-civilian SpaceX Inspiration4 orbital mission.
