Inako kan aktres na si Marietta Subong o mas bisto bilang Pokwang na tugang niya an driver kan pick-up na nag-viral makalihis na batukan an sarong nakaalitan na magkakariton, sa hampang kan menor de edad na aki kaini.
Sa video message na ipinaluwas ni Pokwang, naghagad ini nin dispensa sa mga naapektaran kan insidente urog na sa aki kan biktima.
Sinabi kaini na bibisitahon niya nin personal an aki kan magkakariton.
Nilinaw man kan aktres na dae niya pigkukunsinte an anuman na salang ginibo kan saiyang tugang.
Sa ibong kaini, tinuyaw man ni Pokwang an mga politiko na nag-post kan ladawan kan saindang bilog na pamilya, urog pang bako man suboot sinda parehas nin mga desisyon asin pag-iisip kan saiyang tugang.
Nagpatanid pa ini na may naga-iral na ley kontra sa cyberlibel asin cyberbullying.
