LEGAZPI CITY—Maabot sa 300 katawo sa Barangay Burabod sa banwaan kan Libon Albay an nakatalaang permanenteng i-relocate huli sa huma kan landslide sa lugar.
Segun ki Hon. Wilfredo Maronilla, an alkalde kan Libon Albay, sa intrevista kan Bombo Radyo Legazpi, may tulo nang sites an pwedesir na i-relocate an mga residentes kan Purok 3 asin Purok 4 kan nasambitang lugar.
Sinabi man kan opisyal na maabot sa 300 na katawo o katumpad na 100 na households an apektado kaini.
An nasambit na lakdang ipigrekomenda kan NGP kun saen dapat nang halion sa mga delikadong lugar an mga residentes, dugang pa digdi na an gobyerno provincial kan Albay an mabakal nin daga kun saen maaprubaran kan NGP na site.
Igwa man suboot nin ibang ahensya an nagpromesa na mabugtak man nin relocation sites.
Sinabi kaini na an magigin relocation sites harani man sana sa dating lugar asin dae man maaapektaran an hanapbuhay kan mga residentes.
Mientrastanto, magibo man nin sarong ordinansa sa naunambitang lugar para dae na magbalik an mga residentes sa landslide-prone area.
