LEGAZPI CITY- Aminado an Department of Education Bicol na wara sa kontrol kan ahensya an timelime kun nuarin mapupuuan an pagpapakarahay kan mga classrooms na nadistroso kan mga nakalihis na kalamidad.
Marurumduman na dakol na mga classrooms kaya an nadanyaran kan mga magkakasunod na raot nin panahon na tuminama sa rehiyon ngunyan na taon.
Dugang pa ini sa mga enot pang classrooms na dae pa napapakarahay kan nakalihis na mga taon.
Segun ki Department of Education Bicol Director Gilbert Sadsad na nakikipag koordinar na sinda sa Department of Public Works and Highways ngani na maaraman kun pwedesir ng puunan an repair kan nasabing mga establishimento ngani na magamit na kan mga apektadong estudyante.
Mientras tanto, napag-araman man na nangangaipo pa an rehiyon nin nasa poco mas o menos 20,000 na mga classrooms ngani na mapunuan an pangangaipo kan mga estudyante.
Tinawan duon kan opisyal na kinakaipuhan na makapag konstruir nin mga typhoon resistance asin earthquake proof na mga classrooms ngani na dae maapektaran tuyong igwang kalamidad.
