LEGAZPI CITY — Isinumiter kan sarong pulis an saiyang resignation letter bilang patotoo sa promesang mademetir sa pwesto kun en kaso maimbwelto sa korupsyon asin iba pang iligal na aktibidad an pinagsisirbehan na hepatura sa Catanduanes.
Sa nagunong impormasyon kan Bombo Radyo Legazpi, ipinahayag ni PO1 Vincent Tacorda na dae man nin bastanteng rason ngani na ibalyo sya sa RHSG sa Regional Police Office sa Camp Simeon Ola, pareho sa nangyari ki PO1 Dan Bagay.
Nagtutubod suboot sya na nangyari an pag-relieve sainda huli sa saindang pagkontra sa mga iligal na aktibidad na pinangengenotan kan mismong mga may ranggong opisyal kan Catanduanes PNP.
Binalikan man ni Tacorda an suboot pagsugo saiya kan duwa sa saindang superiors na paggadan sa alegadong drug personality sa Catanduanes na empleyado kan Department of Education (DepEd).
Inakusaran nya man an mga kaibanan na pulis nin pagkakaimbwelto sa extrajudicial killings asin planting of evidence.
Dakol pang ibubuyagyag si Tacorda alagad irereserba nya suboot ini sa proper forum.
Dugang pa nya, preparado syang maghampang sa sarong press conference katakod kan nasambitan na isyu.
