LEGAZPI CITY – Pignigaran ni Former Regional Office 5 Regional Director asin presenteng Philippine National Police Academy Acting Director Brigadier general Andre Dizon na may kinaaraman siya sa pagkidnap sa Bicolano Activist na si Felix Salaveria Jr.
Basado sa ipinaluwas na desisyon kan Court of Appeals, si Dizon kabale si PNP chief Gen. Nicolas Torre III asin tulo pang police officers sa rehiyon an responsable sa pagkawara kan nasabing aktibista kan Agosto 28, 2024 sa Tabaco City, Albay.
Segun ki Dizon sa eksklusibong intrevista kan Bombo Radyo Legazpi na sa panahon kan saiyang liderato sa PRO 5 an ginibo ninda gabos na saindang makakaya asin nakipagtabangan sa Commission on Human Rights (CHR) asin pamilya kan biktima nganing mahanap an lokasyon kaini.
Namumundo man siya huli ta itinao man ninda an gabos na magkakanigong proseso sa imbestigasyon alagad sinda pa suboot an naiipit.
Alagad nanindugan ini na hahampangon niya an akusasyon laban saiya huli ta malinig an saiyang konsensya asin tapat na nagserbi sa saiyang nasasakupan.
Paglinaw man kan opisyal na nakipagtabangan sinda sa paagi ki pagpapaluwas nin mga statement mapadapit sa progress kan kaso na nagpapatunay na dae sinda nagpabaya asin ginampanan an saindang trabaho.
Pagdoon man ni Dizon na aram kan pamilya ni Salaveria kun pano nagtabang an polisya asin inibahan sa mga posibleng lokasyon kan saindang kamag-anak asin ipigpapasa-diyos niya na sana an mga nangyayari sa saiyang buhay.
