Pigpapahiro na kan Philippine National Police (PNP) an saindang tracker team para sa tulos na pag-arestar ki Senator Ronald “Bato” Dela Rosa.
Segun ki PNP chief General Jose Melencio Nartatez Jr. na masunod sinda sa kasuguan kan Department of Justice (DOJ) sa pagseserbi nin warrant of arrest kontra sa senador.
Dugang pa kaini na trabaho kan PNP na isirbi an warrant of arrest kontra sa mga indibidwal na igwang pigkakahampang na anuman na kaso.
Napag-araman na nakikipag koordinar na sinda sa National Bureau of Investigation (NBI) para sa tracker team na maghahanap sa lokasyon ni dela Rosa.
Malinaw man suboot an kasuguan kaini sa mga kapulisan na kinakaipuhan na magin transparent asin ipaotob an maximum tolerance sa gigibuhon na pag-arestar sa senador.
Marurumduman na nahahampang an senador sa kasong crime against humanity huli sa suboot madugong kampanya kontra iligal na droga kan nakalihis na administrasyon.
