Nakaalerto ang Philipppine National Police (PNP) sa piglalaomang pagbalik an milyones na pasahero sa Metro Manila makalihis an Christmas break.
Sienerto ni Acting PNP Chief Police Lt. Gen. Jose Melencio C. Nartatez, Jr. na visible an presensya kan pulisya sa terminal kan bus asin iba pang pangenot na transportation hubs bako sana nganing masierto an kaligtasan kan mga biyahero kundi nganing tulos na magtugon sa anumang orolay nin katoninongan asin kaayusan.
Sinabi man ni Nartatez na sinugo na an mga territorial police force asin an Highway Patrol Group (HPG) na dugangan an police visibility sa mga piglalaomang traffic gridlock sa mga highway asin pangenot na tinampo na nagserbing entry point pasiring sa mga urban area.
Nakipagkoordinar man an pulisya sa mga lokal na gobierno para sa maayos na pagmamanehar kan trapik, siring man an pagsagibo nin inspeksyon asin iba pang road safety measures para sa mga pampasaherong bus asin iba pang public utility vehicles.
Inabisuhan man ni Nartatez ang mga motorista na siertohon an pagiging roadworthy kan saindang mga behikulo bago magbiyahe nganing malikayan an mga aberya na pwedesir magkawsa nin huma sa saindang kaligtasan asin kan saindang pamilya.
