Pinag-aadalan kan Philippine National Police an posibleng pagbayolar sa Batas Pambansa Blg. 880 o Public Assembly Act katakod kan mga rally kan Iglesia ni Cristo (INC) na ginibo na warang permit.
Segun ki PNP Public Information Chief na si Col. Allen Rae Co, pighihiling kan kapulisan an posibleng paninimbagan kan mga organizer asin bako pa sierto kun anong mga kaso an posibleng isunad.
Marurumduman na ginibo kan INC an mga rally sa People Power Monument sa Quezon City asin Liwasang Bonifacio sa Maynila bilang suporta suboot ki Senador Rodante Marcoleta, na napipintong sunadan nin kasong plunder katakod kan suboot dae ipigdeklarar na campaign donations kan 2025.
Segun sa PNP, dati na man ining nagsunad nin mga kaso huli sa pagbayolar sa nasabing ley.
Mientras tanto, igwa na man na mga naarestar huli sa pangungulog sa pulis kan magkaigwa nin tensyon sa pagultangankan mga raliyista asin mga otoridad.
Segun ki Col. Co na pinag-aadalan man kan PNP an pagsusunad nin kasong direct assault kontra sa mga naaresto.
