LEGAZPI CITY-Ipigsugo kan Philippine National Police (PNP) sa gabos na mga unit sa bilog na nacion na magin handa asin alerto posibleng epekto asin pananalasa kan Bagyong Wilma.
Bilang paghahanda, ipigsugo an kada istasyon asin regional office na magsagibo kan kinakaipuhan na preparasyon ngani maprotehiran an mga namamawaan.
Segun kay Acting PNP Chief Police Lieutenant General Jose Melencio Nartatez Jr., pinahigot kan ahensya an saindang koordinasyon asin pakikipagtabangan sa manlain-lain na local government units (LGUs) asin iba pang concerned government agencies ngani maiserto an salbado an publiko sa papaabot na raot nin panahon.
Sinabi ni Nartatez na an naka-alerto na an gabos na personahes kan PNP asin nakahanda an bilog na puwersa para sa posibleng preemptive evacuation kan mga residente sa mga lugar na direktang maapektaran asin para sa prepositioning kan mobility assets siring kan mga behikulo asin rescue assets siring kan mga bangka asin medical supplies.
Pigenganyar man kan kapulisan an gabos sa mga kumunidad na magin alerto, magdangog asin magsunod sa mga weather updates na ipigtatao kan state weather bureau, asin makipagtabangan sa mga otoridad ngani masierto an saindang kaligtasan kabale an saindang mga pamilya.
