Kinontra kan Philippine National Police an pahayag ni dating Presidente Rodrigo Duterte na warang mga pulis an napabayaan sa irarom kan saiyang administrasyon.
An mga pulis na pigtukoy kan dating presidente an kaibanan sa mga operasyon kontra ilegal na droga sa irarom kan war on drugs.
Basado sa datos kan Directorate for Personnel and Records Management, maabot sa labi sa 1,000 na mga kapulisan an solong hinampang an kaso kontra sainda huli sana sa pag-otob nin mandato.
Nairido man sa ikinasang mga operasyon an maabot sa 975 na pulis mantang 300 an kinasuhan huli sa pagkaka imbwelto sa iregularidad.
Enot nang nangapudan nin suporta si PNP Chief Police General Rommel Francisco Marbil para sa mga pulis na nadidifisilan na hampangon an mga kaso katakod kan war on drugs kan Duterte administration.
Kaibanan samga ini an legal na siporta o abogado ngani na mag-usad an kaso.
