LEGAZPI CITY-Nangapudan si Deputy Chief of the PNP for Operations Police Lieutenant General Wilson Joseph Lopez, nin suporta asin kooperasyon sa gabos na police officers sa Bicol Region para sa bagong Regional Director na si Police Brig. General Randy Glenn Silvio.
Susog sa pahayag ni Lopez, na bilang miyembro kan pulisya, trabaho nindang maprotehiran an kada buhay, mamantenir an peace asin order kan kada kumunidad, asin suportaran an kada kampanya bilang police service asin magpadagos sa pagsugpo kan mga krimen.
Niribayan ni Silvio si PBGen Erosito Miranda, na naabot na an retirement age.
Mientras tanto, mainit na sinabat kan Police Regional Office 5 si Police Brig. General Randy Glenn Silvio sa saiyang pagserbi bilang bagong Regional Director kan Police Regional Office 5.
