Nagpromesa si Philippine National Police (PNP) chief General Jose Melencio Nartatez Jr. na ipapaotob kan kapulisan an maximum tolerance alagad nangapudan nin kooperasyon sa mga raliyista kasabay kan ikalimang State of the Nation Address (SONA) ni Presidente Fedinand Marcos Jr. ngunyan na Lunes, Hulyo 27.
Nangapudan man an PNP chief sa publiko na irespeto an diretsos kan lambang saro asin imantenir an paz y orden ngunyan na aldaw.
Ini an sa tahaw kan pinaglalaoman na dakulang hiro-protesta hali sa multi-sectoral groups na natawan nin permits ngani na makapag-rally sa mga ipigdesignar na sites sa Commonwealth Avenue, harani sa Batasan Complex sa Quezon City kun sain isasagibo an ulat sa bayan kan presidente.
Kaibanan sa mga nakakuwa nin rally permits an Bagong Alyansang Makabayan (BAYAN) asin Sanlakas and Better Brighter.
Katakod kaini, nagpalakop man an kapulisan nin labi sa 20,000 pulis ngani na bantayan an mga pangenot na lugar antes an nakatalaan na SONA atyan na alas-4 nin hapon.
