LEGAZPI CITY – Nakapagrehistro an Police Regional Office V nin labi 7,000 na aksidente sa tinampo sa Bicol.
An nasabing datos an puon kan Enero 1 hasta Agosto 31 kan presenteng taon.
Sa nasabing numero, 91.88% o 6, 450 an may kinaaraman sa ”human error” o kabayaan; 368 an huli sa ”mechanical error” asin 184 huli man sa ”road condition.”
Mahihiling sa datos na an ”human error” o kabayaan an may pinakahalangkaw na porsyento kan aksidente na komon na nagkakawsa nin pagkagadan kan mga personang imbwelto.
Kaibanan pa sa mga nahihiling na rason kan aksidente sa tinampo an ‘over speeding’, pagbayular sa traffic rules, paggamit nin cellphone mantang nagmamanehar, impaired driving asin distractions.
Segun sa Philippine National Police, kinakaipuhan nin disiplina asin koordinasyon kan mga motorista asin iba pang mga sektor ngani mamantenir an seguridad sa tinampo.
