LEGAZPI CITY- All set na an preparasyon kan kapulisan sa rehiyong Bicol para sa paglalatag nin seguridad katakod kan nagdadangadang na holiday season.
Segun ki Police Regional Office Bicol Director Police BGen. Andre Dizon sa intrevista kan Bombo Radyo Legazpi na partikular na tututukan an mga pampunlikong lugar siring kan mga merkado, simbahan, terminal asin iba pa.
Napag-araman na dinugangan pa an police visibility ngani na mamantenir an paz y orden kasabay kan holiday season.
Magtataong atensyon man an mga kapulisan durante kan rush hour na posibleng aprobitsaran kan mga may mararaot na buot.
Mientras tanto, nagpagirumdom man si Dizon sa publiko na maging marigmat asin dae basta basta magtiwala urog ng talamak an mga scammers, parahabon asin iba pang kriminal kasabay kan holiday season.
Pigbabantayan man magin an posibleng paglakop kan mga pekeng kwarta kaya kinakaipuhan na magin alerto an mga namamanwaan.
