Aminado an Philippine National Police na nakapagrehistro nin mga pag-abuso an nagkapirang mga kapulisan na naligaw nin landas durante kan kasagsagan kan anti-illegal drug campaign.
Alagad segun ki PNP Spokesperson Col. Jean Fajardo, nakasuhan asin nahalian na nin serbisyo an nagkapirang kapulisan.
Ini an kasunod kan alegasyon ni Lt. Col. Jovie Espenido sa pagdango kan House quad committee na an PNP an sarong “biggest crime group” sa Pilipinas.
Segun ki Fajardo na dapat na linawon ni Espenido kun an pigtataram kaini an kan nakalihis na liderato huli ta makadisganar suboot an saiyang label urog na para sa mga kapulisan na nagtatrabaho nin honesto.
