LEGAZPI CITY — Sa ibong kan efforts ni Albay Governor Al Francis Bichara, dae man maidedeklarar na an Abril 3 bilang special non-working holiday sa probinsya kun warang approval ni Presidente Rodrigo Duterte.
Sa ipinaluwas na pahayag ni Provincial Legal Officer Attorney Jose Noel R. Rubio, dae pa pa napipirmahan an propuesto sa pagdeklarar nin special non-working holiday huli sa kawaran nin oras.
Nakapalaman pa sa pahayag na magkakaigwa na sana nin simpleng programa sa Provincial Capitol sa nasabing aldaw, sa oras na alas 8:00 nin aga ngane ikomemorar an pagkakatugdok kan probinsya.
Naitugdok an probinsya kan Albay kan Abril 3, 1574 o 443 na taon na an nakakalihis.
