LEGAZPI CITY – Liwat na naobserbaran an abnormalidad sa Bulkang Mayon sa nakalihis na 24 oras.
Sa ipigluwas na latest volcano bulletin kan Philippine Institute of Volcanology and Seismology (PHIVOLCS), sarong beses na nagkaigwa nin pagyugo sa bulkan.
Nanotaran man an pitong beses na pagrasay nin gapo na nagresulta sa buga nin moderatong aso.
Mantenido man an banaag o crater glow kun banggi.
Mientras tanto, dae pighahale kan PHIVOLCS an posibilidad kan pagkakaigwa nin saradit na pagputok sa nasabing bulkan urog na nagtetenir an alert level 2 status o moderate level of unrest sa nasabing bulkan.
