LEGAZPI CITY—Irido an pitong indibidwal makalihis na mahulog an piglulunadang behikulo sa tulay sa Barangay Cabraran Pequeño, Camalig, Albay.
Segun ki Jovellar Fire Station Chief Administrative Section Senior Fire Officer 1 Anthony De Lumen, sa intrevista kan Bombo Radyo Legazpi, an mga biktima nagsapo nin lugad asin pasa sa manlaen-laen na parte kan lawas kun saen tulos man na tinawan ninda nin pangenot na lunas asin dinara sa ospital.
Susog sa nakahiling sa insidente, nakaidlip suboot an driver kan behikulo, alagad nabigla ini; asin imbes na matimakan an preno—natimakan kaini an selinyador na nagresulta sa pagkahulog kan behikulo sa tulay.
Huli na man sa kalumaan kan ulang kan tulay, naraot man ini kan nabangga kan behikulo.
Mientrastanto, nagpagiromdom man an Jovellar Fire Station sa publiko na dae paglingawan na paghilingon an kondisyon kan behikulo en kaso magbiyahe siring man an pag-check kan sadiri sa kun kaya magmaneho nin hararayo na lugar.
Kun napipirot na an driver o napapagal na, pwedesir na magpahingalo muna; asin dae dapat pagpwersahon an sadiri na magmaneho nganing maibitaran an siring na insidente.
