Nasayang an triple-double na 28 puntos, 11 rebounds, asin 11 assists ni LeBron James kan nadaog an Los Angeles Lakers sa Detroit Pistons, 117-114.
Nangenot para sa Pistons si Malik Beasley na may 21 puntos, mantang nag-ambag si Cade Cunningham nin 20 puntos asin 10 assists.
Ini an enot na pagkakataon sa labi sarong bulan na nanggana nin sunud-sunod an Detroit.
Nagin lyabi sa kapangganahan kan Pistons an saindang depensa, na pumuwersa sa Lakers nin 20 turnovers, na nagresulta sa 28 puntos para sa Detroit.
Sa ultimong kabtang kan kawat, nagkaigwa nin pagkakataon an Lakers na maitabla an iskor, alagad suminablay an 3-point attempt ni Lebron sa buzzer.
Sa pagkadaog na ini, natapos an three-game winning streak kan Lakers, mantang ipigpapadagos man kan Pistons an saindang momentum hale sa naenot na pagkagana laban sa Phoenix Suns.
