LEGAZPI CITY — Ipighurot kan presidete kan Pinagkaisang Samahan ng mga Tsuper at Operator Nationwide (Piston) national na warang basehan o unconstitutional an kasong isinangat saiya kan Land Transportation Franchising and Regulatory Board (LTFRB).
Sa ekslusibong panayam ng Bombo Radyo Legazpi Jorge San Mateo, bilang lider kan duwang aldaw na strike, parte sana kan saiyang civil rights an pagkurahaw kan saiyang direchos na garantiya kan Bill of Rights kan 1987 Constitution.
Ini naman suboot an ikaduwang bes na nagkaso an LTFRB kun sain enot na kan Setyembre 22 para sa ikinondusir man na tigil-pasada kan Pebrero ngonian na taon.
Segun pa digdi, makalibong man suboot an LTFRB huli sa pigsasabi suboot kaini sa media na palpak an welga alagad sa lado na kan pagkaso, pigsasabi na naperwisyo an kadakol na mga pasahero.
Inapod pa ni San Mateo na purong harassment an tiggigibo kan LTFRB kun sain psywar sana suboot an pagsasangat kan kaso ngane na matakot an mga operator na maglaban.
Sarong makusog na signal suboot an pag-persecute saiya kan LTFRB ngane dae maglaban an mga jeepney operators asin drivers.
Base sa saindang assessment, 90% kan mga jeepney drivers asin operators sa bilog na nacion an nagsabay sa strike kun sain sinabi pa kaini na dakulang kawaran ki Presidente Rodrigo Duterte an pagkawara kan suporta kan sarong dakulang sektor huli sa programa kaining modernization kan public utility vehicles (PUVs).
