LEGAZPI CITY- Pigrerespeto kan Pagkakaisa ng mga Samahan ng Tsuper at Operator Nationwide (PISTON) an pangapudan kan nagkapirang grupo nin transportasyon na P2 na dugang na pamasahe.
Ini an katakod kan padagos na paglangkaw kan presyo kan produktong petrolyo sa nacion.
Alagad segun ki Piston National President Mody Floranda sa intrevista kan Bombo Radyo Legazpi na bako ini bastante huli sa kadakulaan kan dagdag presyo kan langis.
Paliwanag kan opisyal na mas mawot nindang ibusol an saindang pangapudan na P10 na dugang sa pamasahe ngani na maski papano an makabawi sa nawawarang ganansya an mga drivers asin operators.
Kasabay man kan saindang pangapudan an dugang sa sweldo sa mga obrero.
Segun ki Floranda na posibleng liwat na magsakat sa P100 an kada litro kan diesel huli sa padagos na kariribukan sa pagultangan kan Estados Unidos asin Iran kaya dapat man na mapagbigyan an dagdag pasahe na pighahagad kan mga nasa sektor kan transportasyon.
